Басты бетЖаңалықтарМәдениетҚоғамӘлеумет

ТАРАЗДЫ ТҮРЛЕНДІРУ ЖҰМЫСТАРЫ ҚАРҚЫН АЛМАҚ

Сенбі күні облыс әкімі Асқар Мырзахметовтың төрағалығымен Тараз қаласын дамыту жөнінде кеңестің отырысы өтті, − деп хабарлайды «Ақпарақ» АА облыс әкімінің баспасөз қызметіне сілтеме жасап.

Шаһар шырайын арттыруға арналған жобалар сараланып, олардың орындалу барысы қаралған жиында «Арбат», «Шаxристан-Көне Тараз» мәдени кешені, Қазақ xандығы монументінің аумағын абаттандыру жұмыстарының жоспары қайта нақтыланып, өңір басшысы жауапты адамдарға бірқатар тапсырмалар берді. Атап айтсақ, «Арбаттың» эскиздік жобасындағы  отырғызылатын (талдардың) жасыл белдеудің орналасу барысын қайта ұсыну, эскиздік жобасындағы «Арбатқа» кіреберістегі  жобаланған минареттің ағаш қақпаның  жазылуын түрік стилінде жазу  және канал жағалауындағы нақты орналасатын көне жәдігерлерді  анықтау, «Шахристан-Көне Тараз» мәдени кешеніндегі сағат стелласының және жарық шамдары мен орындықтардың эскиздік жобасын қайта пысықтап, тиісті жұмыстар жүргізуді тапсырды.

         Сондай-ақ, «Шахристан-Көне Тараз» мәдени кешені аумағындағы 5 көпқабатты тұрғын үй  мен кәсіпкерлік нысандарды мемлекет меншігіне  қайтару үшін жүргізіліп жатқан  бағалау  жұмыстарына білікті мамандарды тарту,  «Арбаттың» бойындағы жергілікті кәсіпкерлермен балаларға арналған және скейтборд алаңшаларға қатысты келіссөз жүргізу шаралары пысықталды. Ал, «Қазақ хандығына 550 жыл» монументі аумағынан Қазақ хандығына арналған «Мұражай» кешені  салынатын жер телімін барынша қысқартып, мемлекет меншігіне қайтару бойынша тиісті шараларды тиянақты атқару жүктелді.

         Айта кетейік, Асқар Исабекұлы бұл жұмыстардың маңыздылығын алға тартып, берілген тапсырмалардың жедел әрі мұқият орындалу керектігін баса айтты. Бұдан соң өңір басшысы шаһардағы бірқатар нысандарға ат басын бұрып, жұмыстарымен танысты.

Тақырып бойынша мақалалар

Close
Close