Басты бетЖаңалықтарСаясат

Жамбыл облыстық ішкі саясат басқармасына жаңа басшы тағайындалды

Бүгін Жамбыл облысы әкімдігінің ішкі саясат басқармасына жаңа басшы тағайындалды. Енді бұл қызметті Бейсенқұлов Дауыл Ынтықбайұлы атқаратын болады, – деп хабарлайды «Ақпарақ» AA облыс әкімінің баспасөз қызметіне сілтеме жасап.

Басқарманың жаңа басшысын ұжымға облыс әкімінің орынбасары Сұлушаш Құрманбекова таныстырды. Сұлушаш Сәтбекқызы өз сөзінде Дауыл Ынтықбайұлының мемлекеттік қызметтегі көп жылғы еңбегін, саладағы мол тәжиребесін атап өтіп, алдағы уақытта да аянбай қызмет ететініне сенім білдіріп, сәттілік тіледі.

Д.Бейсенқұлов, 1975 жылы туған. Ұлты қазақ, білімі жоғары. 1997 жылы Жамбыл гидромелиоративті құрылыс институтын «инженер-механик», 2015 жылы Тараз инновациялық-гуманитарлық университетін «мемлекеттік және жергілікті басқару» мамандықтары бойынша бітірген.
Өз еңбек жолында ол әр жылдары Жамбыл аудандық көші-қон және демография бөлімінің жетекші маманы, Жамбыл ауданы әкімі аппаратының ұйымдастыру, жалпы ішкі саясат бөлімдерінің бас маманы, Жамбыл ауданы әкімдігінің ішкі саясат бөлімінің бастығы қызметтерін атқарған. 2011 жылғы қазаннан бастап Жамбыл облысы әкімдігінің ішкі саясат басқармасы басшысының орынбасары болып еңбек еткен.

Тақырып бойынша мақалалар

Close
Close