Басты бетҚоғам

Жуалыда 990 жер учаскесін жалға алу туралы шарт жасалды

Аудан әкімдігінің жер қатынастары бөліміне жер мәселесі бойынша жеке және заңды тұлғалардан түскен 425 арыз-өтініш жер комиссиясы отырысының қарауына ұсынылды. Олар бойынша тиісті қорытындылар қабылданып, өтініш иелеріне жауаптар берілді. Сонымен бірге, ауылдық округтерден түскен барлығы 594 арыз-өтініш аудандық жер комиссиясының отырысында қаралып, тиісті жауаптар берілді.
Ағымдағы жылы жалпы саны 990 жер учаскелерін жалға алу туралы шарт жасалды. Жер телімдерін сату және жалдау құқықтарын сату жөнінде ұзын-ырғасы 26 шарт жасалған, соның ішінде алты жылдық жалдау құқығын сатып алу бойынша 303202 есеп шотқа 650 384 теңге, жер теліміне қосымша жер қосып сатып алу, сарайлардың астындағы жер телімдерін және өзге де жер телімдерін сатып алудан 303101 есеп шотқа 3 848 243 теңге төленген.
Облыс әкімі мен Жуалы ауданы әкімі арасындағы Келісім бойынша ағымдағы жылдың үшінші тоқсанында ауыл шаруашылығы мақсатындағы 1500 га жер телімін ауыл шаруашылығы айналымына қайта тарту жоспарланған. Нәтижесінде 30 қыркүйекте конкурс өткізіліп, жалпы көлемі 9 038,623 га, соның ішінде: 673,2419 га егістік, 66,2616 га шабындық, 8299,12 га жайылым болатын 49 жер телімі қайта айналымға тартылды.
Облыс әкімдігі басқармаларының басшылары мен Жуалы ауданы әкімі арасындағы келісім бойынша үшінші тоқсанға барлығы 450 га босалқы жер қорындағы егістік жерлерді айналымға қосу жоспарланған. Аталған жұмыс 30 қыркүйекте өткізілген конкурс бойынша орындалып, жалпы көлемі 673,2419 га егістік жер қайта айналымға тартылды.
Одан бөлек, екінші-үшінші тоқсандарға аудан аумағында 1991 жылдан бері айналымнан шығып қалған 1972 га жер телімін қайта айналымға қосу тапсырылған. Бұған дейін жалпы көлемі 1000 га болатын жайылымнан егістік жерге ауыстырылатын жер телімдерінің карталары топырақ қорытындысын алу үшін Жамбыл облыстық жер кадастры филиалына жолданған. Алайда аталған мекемеден теріс қорытынды келуіне байланысты басқа жер телімдері қарастырылуда. Бұл жұмысты төртінші тоқсанға қалдыру туралы басқармаға хат жолданып, басқарма тарапынан рұқсат алынды.

Талғат Қырғызбаев, Жуалы ауданы әкімдігінің жер қатынастары бөлімінің басшысы.

Тақырып бойынша мақалалар

Close
Close