Басты бетЖаңалықтарҚоғамӘлеумет

235 мыңнан астам жамбылдық 42500 теңге жәрдемақы алды

235 мыңнан астам жамбылдық 42500 теңгенің жәрдемақысын алды. Бұл туралы «Ақпарақ» агенттігі облыс әкімінің баспасөз қызметіне сілтеме жасап хабарлайды.

Төтенше жағдай кезеңінде табысынан айырылған 235 мыңнан астам облыс тұрғыны әлеуметтік төлемге қол жеткізді.
Облыс әкімдігі жұмыспен қамтуды үйлестіру және әлеуметтік бағдарламалар басқармасының ақпаратына сүйенсек, 23 сәуірге дейін тұрғындардан 270 мыңнан аса өтініш түсіп, олардың 246 мыңға жуығы Мемлекеттік әлеуметтік сақтандыру қорының филиалы арқылы мақұлданды.

Бүгінгі күнге аталған төлем 235 320 өтініш иесінің қолына тиіп отыр.
Оның ішінде Тараз қаласы бойынша – 79 767.
Аудандар бойынша цифрлар төмендегідей:
Байзақ ауданы – 21 497,
Жамбыл ауданы – 18 119,
Жуалы ауданы – 11 613,
Қордай ауданы – 26 928,
Меркі ауданы – 21 019,
Мойынқұм ауданы – 5 076,
Сарысу ауданы – 6 851,
Талас ауданы – 8 294,
Т.Рысқұлов ауданы – 14 281
Шу ауданы бойынша 21 875 адам.

Аталған жәрдемақыға түсіп жатқан өзге де өтініштер төтенше жағдай біткенше қарала бермек.

Тақырып бойынша мақалалар

Close
Close