Басты бетЖаңалықтарМәдениетҚоғам

Президент Қасым-Жомарт Тоқаев «Отырар сазы» оркестрінің жетекшісін қабылдады

Президент Қасым-Жомарт Тоқаев «Отырар сазы» оркестрінің жетекшісі Динара Тілендиеваны қабылдады. Бұл туралы Ақордадан мәлім етті, деп хабарлайды Ақпарақ.

Кездесу барысында қазақ мәдениетін дамыту мәселелері талқыланды. Динара Тілендиева Қазақстан Президентіне «Отырар сазы» мемлекеттік академиялық фольклорлық-этнографиялық оркестрінің қызметі мен алдағы жоспары туралы мәлімет берді.

Атап айтқанда, ол бірқатар перспективті жобаны жүзеге асыру жайында, оның ішінде италиялық тенор Андреа Бочеллидің репертуарындағы және басқа да қазақтың халық аспаптарында ойнайтын белгілі музыканттардың танымал шығармаларын орындау жөнінде баяндады.

2025 жылы аса көрнекті композитор Нұрғиса Тілендиевтің туғанына 100 жыл толады. Кездесуде осы мерейтойға арнайы назар аударылды. Қасым-Жомарт Тоқаев аталған маңызды оқиғаны кең көлемде атап өту қажет екенін айтты.

Тақырып бойынша мақалалар

Close
Close