Басты бетЖаңалықтарЭкономикаҚоғам

Жамбыл облысында 1 миллиард теңгенің жобасы қолға алынды

Жамбыл облысының Жуалы ауданында жобалық құны 1 миллиард теңге болатын ірі жоба қолға алынды.

Ауданда 1200 бас сауын сиырға арналған тауарлы-сүт фермасы салынуда. Егер жоба толықтай іске асса, келесі жылы шетелден 1200 асылтұқымды сүтті сиыр әкелінеді. Бүгінгі таңда құрылыстың 75 пайызы аяқталған.

  Сауын сиырға арналған ірі кешенде 15 адам құрылыс жұмыстарына тартылған. Бұдан кейін кешен голландиялық технологиялармен жабдықталады. Құрылыс учаскесінің басшысы Максим Сладковтың айтуынша, құрылыстың  жалпы аумағы 3 гектарды құрайды. Салынып жатқан екі кешенде 600 сауын сиыр болады. Тағы да  автоматтандырылған сүт сауу залы мен мал төлдетуге  арналған үшінші орын бар екен. Қазір серіктестіктегі мал саны  2000-ға жуықтапты. Оның 800-ден астамы асыл тұқымды сиырлар. Олардан күн сайын 7 тонна сүт алынады. Қазіргі кезде 150 адамды тұрақты жұмыспен қамтып отырған серіктестік жаңа ферма іске қосылса, жұмысшылар қатарын тағы 50 адаммен толықтыратынын айтып отыр.

  Ал Жуалы аудандық ауылшаруашылық бөлімінің сектор меңгерушісі Сәбит Нұрлыбаев 1200-ге арналған сүт тауарлы ферманы 2020 жылы толықтай аяқтау жоспарланып отырғанын айтты. Сектор меңгерушісінің айтуынша, серіктестіктің өткен жылғы өндірген өнім көлемі  844 миллион теңгені құраған. «Негізгі басымдық сүт пен ет бағыты болғандықтан, малға қажетті жем-шөпті де өздері дайындайды. Бүгінгі күні 1000 гектар алқапқа арпа, бидай, 400 гектар жерге көп жылдық шөп егілген», дейді Сәбит Нұрлыбаев.

Тақырып бойынша мақалалар

Close
Close